27 студзеня Ашмянская раённая бібліятэка прадставіла вучням 9 “В” класа гімназіі №1 г.Ашмяны выставу-крыжаванку “Халакост: памяць пакаленняў”, прысвечаную адной з самых трагічных старонак гісторыі чалавецтва. Замест сухой лекцыі старшакласнікі пагрузіліся ў інтэрактыўную прастору, дзе ім трэба было разгадаць крыжаванку, заснаваную на гістарычных фактах і сведчаннях пра Халакост, пазнаёміцца з тэматычнай выставай, якая дапаўняе інфармацыю, атрыманую падчас разгадвання крыжаванкі, прыняць удзел у дыялогу і абмеркаванні, асэнсоўваючы трагічныя падзеі мінулага і іх значэнне для сучаснасці. Выстава-крыжаванка стала яркім прыкладам таго, як бібліятэка можа стаць не проста сховішчам кніг, а цэнтрам інтэлектуальнага росту і маральнага выхавання.
