2 кастрычніка ў Ашмянскай раённай бібліятэцы прайшла літаратурна-музычная кампазіцыя “Нам гады — не бяда”. Гэта мерапрыемства стала яскравым пацвярджэннем таго, што сапраўдная маладосць жыве не ў пашпарце, а ў душы. Удзельнікі і госці сустрэчы атрымалі зарад добрага настрою, радасць зносін і прыемныя настальгічныя ўспаміны. Творчыя нумары, кранальныя песні і цёплыя словы падзякі стварылі асаблівую атмасферу душэўнасці і адзінства пакаленняў. Мерапрыемства яшчэ раз нагадала: узрост — гэта толькі лічбы, а сэрца можа заставацца маладым у любыя гады.
