4.03.1890 г. у мястэчку Гальшаны Ашмянскага р-на нарадзіўся Вінцук Адважны (сапраўднае Язэп Станіслававіч Германовіч, псеўданім Лявон Ветрагон), беларускі пісьменнік, паэт, перакладчык, мемуарыст, член Таварыства беларускай школы, каталіцкі духоўнік. Служыў ксяндзом на Беласточчыне, Віцебшчыне, місіянерам у Харбіне (Кітай). Аўтар гумарыстычных вершаў, баек, празаічных твораў. Памёр 26.12.1978 г.
Крыніцы інфармацыі:
- Адважны Вінцук // Краязнаўчы каляндар Ашмяншчыны на 2020 год / склад. Г.У. Палубінская. – Ашмяны, 2019.– С. 20-21.
- Адважны Вінцук // Памяць: гіст.-дакум. хроніка Ашмянскага раёна / укладальнік А.Р.Каранеўскі, рэдкал.: Г.К.Кісялёў [і інш.]. – Мн.: БЕЛТА, 2003.– С. 138.
4 сакавіка 1951 г. у в.Касічы Вілейскага раёна Мінскай вобласці нарадзіўся Каркотка Леанід Міхайлавіч, ашмянскі паэт, педагог. Пасля заканчэння філалагічнага факультэта Гродзенскага педагагічнага інстытута імя Янкі Купалы (1972) працаваў у школе-інтэрнаце г.Ашмяны, на працягу 35 гадоў выкладаў беларускую мову і літаратуру. Пайшоў з жыцця 8.11.2009 г.
Крыніцы інфармацыі:
Санюк, А. Урокі паэзіі і дабрыні : аб былым настаўніку беларускай мовы, мясцовым паэце Леанідзе Каротка / Аліна Санюк; фота Святланы Муцянскай // Ашмянскі веснік. — 2008. — 18 кастрычніка. — С. 4.
