6 –7 верасня Ашмянская раённая бібліятэка прыняла ўдзел у ХХХІІ Дні беларускага пісьменства, які сёлета праходзіў у Лідзе. Для гасцей была падрыхтавана інтэрактыўная бібліятэчная пляцоўка «Цуд, імя якому кніга», якая стала сапраўднай прасторай для гульні, творчасці і любові да кнігі. Тут кожны мог: прайсці напольную хадзілку “Літаратурныя лабірынты”; паспрабаваць сябе ў гульні “Мішэнь пісьменства”; скласці кубік-рубіка з беларускімі пісьменнікамі; паспытаць удачу ў “Літаратурным лато”; атрымаць майстар-клас па калiграфіі; пазнаёміцца з кніжнымі выкладкамі “Спадчына Скарыны” і “Сучасная літаратура”. У другі дзень свята госці з задавальненнем удзельнічалі ў гульнях, знаёміліся з кнігамі і дзяліліся сваімі ўражаннямі. Асаблівым момантам стаў візіт дырэктара Нацыянальнай бібліятэкі Беларусі Вадзіма Францавіча Гігіна, які адзначыў важнасць папулярызацыі чытання сярод моладзі.
