6 верасня ў Гальшанах сустрэлі ўдзельнікаў XXXII навукова-асветніцкай экспедыцыі «Дарога да святыняў», прымеркаванай да Дня беларускага пісьменства. Да гэтай памятнай падзеі бібліятэкары падрыхтавалі кніжную выставу “Дар Божы — словы беларускае”, дзе былі прадстаўлены матэрыялы аб развіцці пісьменства на Беларусі, выдатных асветніках і значэнні духоўнай літаратуры. Асаблівым падарункам для бібліятэкі сталі кнігі з аўтографамі аўтараў, якія ўдзельнікі экспедыцыі перадалі ў фонд нашай бібліятэкі. 
