21 сакавіка Ашмянская раённая бібліятэка правяла літаратурна-тэатралізаванае свята “Паклікала нас у госці Кніга”, прысвечанае адкрыццю Тыдня дзіцячай кнігі. Гэта мерапрыемства сабрала юных чытачоў, якія акунуліся ў свет літаратуры праз займальныя выступленні, інтэрактыўныя гульні і тэатралізаваныя пастаноўкі. Дзеці пазнаёміліся з любімымі персанажамі кніг і самі сталі часткай займальных гісторый. Свята прайшло ў атмасферы творчасці і натхнення, спрыяючы фарміраванню цікавасці да чытання і любові да кнігі. Юных чытачоў чакала выстава “Неабсяжны і вялікі свет чароўных дзіцячых кніг”, а таксама выступленні удзельніц студыі танца і фітнесу “Дзіяна” і навучэнскай дзіцячай школы мастацтваў Ксеніі Люля. Напрыканцы свята адбылося ўзнагароджанне лепшых чытачоў. Сярод іх былі навучэнцы 2-3 класаў гімназіі № 1 Кацярына Малышка і Ульяна Лукша, а таксама дзеці з СШ № 3 Аліна Капыш і Дзмітрый Субач, СШ № 2 Яўген Юшкевіч і Вераніка Шукевіч, і Дамір Бяляеў з СШ № 1 імя М.М. Гружэўскага. Гэта стала выдатным завяршэннем мерапрыемства і дадатковым стымулам для іншых юных аматараў літаратуры!
