27 лютага супрацоўнікі гарадской бібліятэкі г. Ашмяны здзейснілі бібліятэчны дэсант “Адкрываем кніжныя прасторы” ў дом сямейнага тыпу, у якім Наталля Станіславаўна Кошчыц выхоўвае дзевяць дзяцей. Бібліятэры прапанавалі прысутным агляд беларускай дзіцячай літаратуры, а таксама пазнаёмілі з некаторымі перыядычнымі выданнямі, якія выпісваюцца бібліятэкай. Дзеці з задавальненнем слухалі аповед бібліятэкараў і паабяцалі абавязкова наведаць бібліятэчную ўстанову. Напрыканцы ўсе разам пачаставаліся гарачай гарбатай з салодкімі прысмакамі.
