У 2023 годзе ва ўстановах ДУК “Ашмянская раённая бібліятэка” працуе 17 аматарскіх аб’яднанняў, з іх для дзяцей і падлеткаў 10. Па накірунках дзейнасці: літаратурных 4, экалагічных 2, краязнаўчых 3, сямейных 1, тэатральных 1, арганізацыі вольнага часу 6.
Пералік аматарскіх аб’яднанняў ДУК “Ашмянская раённая бібліятэка”:
| № п\п | Назва бібліятэкі | Назва аб’яднання | Напрамак дзейнасці | Узроставая катэгорыя |
| 1 | СБ аг. Баруны | Карані | Краязнаўчы | дзеці |
| 2 | СБ ав. Будзёнаўка | Добрыя сустрэчы | Арганізацыя вольнага часу | моладзь |
| 3 | СБ аг. Гальшаны | Сям’я | Сямейны | дарослыя, дзеці |
| 4 | СБ аг. Граужышкі | Журавінка | Арганізацыя вольнага часу | пажылыя |
| 5 | СБ в. Гродзі | Сялянка | Арганізацыя вольнага часу | пажылыя |
| 6 | СБ аг. Жупраны | Субяседнік | Літаратурна- пазнавальны | падлеткі, моладзь |
| 7 | СБ аг. Кальчуны | Спадчына | Краязнаўчы | дзеці |
| 8 | СБ аг. Кракоўка | Парус | Літаратурна-пазнавальны | падлеткі, моладзь |
| 9 | СБ аг. Крэйванцы | Хачу ўсё ведаць | Літаратурна- пазнавальны | дзеці |
| 10 | СБ аг. Мураваная Ашмянка | Літарынка | Літаратурна- пазнавальны | дзеці |
| 11 | СБ аг. Навасёлкі | Крынічка | Краязнаўчы | дзеці |
| 12 | СБ аг. ст.Ашмяны | Расінка | Экалагічны | дзеці |
| 13 | ГБ г. Ашмяны | Пагаворым па душах | Арганізацыя вольнага часу | пажылыя |
| 14 | Аддзел па абслугоўванні дзіцячага чытача раённай бібліятэкі | Лялечны карагод | Лялечна-сцэнічны | дзеці |
| 15 | Аддзел па абслугоўванні дзіцячага чытача раённай бібліятэкі | Расінка | Экалагічны | дзеці |
| 16 | Аддзел абслугоўвання і інфармацыі | Сустрэча | Сустрэчы з цікавымі людзьмі | дарослыя |
| 17 | Аддзел абслугоўвання і інфармацыі | Мудрасць+ | Арганізацыя вольнага часу | пажылыя |
Адным са старэйшых аматарскіх аб’яднанняў з’яўляецца “Сустрэча” Ашмянскай раённай бібліятэкі.
Клуб “Сустрэча”
Клуб “Сустрэча” створаны ў 1996 г. пры ДУК “Ашмянская раённая бібліятэка” для чытачоў рознага ўзросту, у тым ліку ветэранаў і інвалідаў, аматараў чытання і мастацтва. Назву сваю – “Сустрэча” – клуб атрымаў таму, што стаў месцам сустрэч і суадносін, дзякуючы якім карыстальнікі бібліятэкі пашыраюць свой кругагляд, дапамагаюць адзін аднаму, знаходзяць увагу да сябе і падтрымку. Клуб працуе на аснове распрацаваных актывам аб’яднання праграмных дакументаў, у якіх вызначаны мэты і задачы клуба, правы і абавязкі членаў аб’яднання, органы самакіравання і іх функцыі, формы і метады работы, атрыбуты аб’яднання.
Дэвіз клуба: “У кожным чалавеку сонца – толькі дайце яму свяціць…” (Сакрат).
Мэты і задачы клуба:
– развіваць агульначалавечыя вартасці і духоўныя каштоўнасці;
– выхоўваць высокую свядомасць, грамадзянскасць;
– дапамагаць чытачам бібліятэкі спасцігаць гармонію жыцця, знаходзіць паратунак ад будзённасці ў прыгажосці ўзаемаадносін;
– прывіваць любоў да роднага слова, да мастацтва, да гістарычнай спадчыны, да Бацькаўшчыны;
– фарміраваць уменне бачыць незвычайнае вакол сябе, глядзець на будзёныя рэчы неабыякавымі вачыма;
– выхоўваць уменне разумець у мастацтве прыгожае, адрозніваць гарманічнае ад безгустоўнага;
– знаёміць з таленавітымі людзьмі Ашмяншчыны: паэтамі, мастакамі, удзельнікамі Вялікай Айчыннай вайны;
– дамінуючы аспект работы аб’яднання – чалавечнасць, міласэрнасць, гуманнасць.
Пасяджэнні клуба “Сустрэча” праходзяць ва ўтульнай чытальнай зале раённай бібліятэкі адзін раз у квартал і суправаджаюцца звычайна кніжнымі выставамі, вернісажамі, выставамі фотаздымкаў, малюнкаў чытачоў, вырабамі народных умельцаў. На мерапрыемствах, калі таго патрабуе сцэнарый, гучыць музыка, у эпізодах выступаюць самадзейныя артысты. У клубе выкарыстоўваюцца разнастайныя прыёмы работы: літаратурныя гасцёўні, вечарыны, музычныя салоны, бенефісы мясцовых аўтараў, прэс-канферэнцыі, прэзентацыі кніг, у т. л. выдадзеных раённай цэнтральнай бібліятэкай, круглыя сталы, вечары партрэтаў, сустрэчы, святы, экскурсіі і інш. Традыцыйна ўключаюцца ў праграмы мерапрыемстваў цікавыя конкурсы, дзелавыя гульні, віктарыны, паэтычныя лабірынты, паведамленні і інш. Кіраўніком клуба “Сустрэча” з’яўляецца загадчык аддзела абслугоўвання і інфармацыі Янкоўская Алена Іосіфаўна.
План пасяджэнняў на 2023 год:
| ПАСЯДЖЭННІ АМАТАРСКАГА АБ’ЯДНАННЯ “СУСТРЭЧА” | ||
| “Адвечны бег ганчарнага круга” (сустрэча з ганчаром М. Козарам) | І квартал (люты) | бібліятэка |
| «С песней по жизни» (сустрэча з удзельніцай народнага ансамбля “Жытніца” Розай Яцукович) | ІІ квартал (май) | бібліятэка |
| «Вновь нас влечет поэзия к себе…» (сустрэча з паэткай Адашкевіч Т. І.) | ІІ квартал (чэрвень) | бібліятэка |
| “Раённая газета як люстэрка гісторыі” (сустрэча з калектывам “Ашмянскі веснік”) | ІІІ квартал (верасень)
|
бібліятэка |
| “На спатканне з паэзіяй” (сустрэча з членамі Гродзенскага абласнога аддзялення ГА “Саюз пісьменнікаў Беларусі”) | VI квартал (кастрычнік) | бібліятэка |
| «Все в мире связано» (встреча с мастером рукоделия Е. Чайковской) | VI квартал (лістапад) | бібліятэка |
Запрашаем наведаць нашы пасяджэнні!
