6 сакавіка, напярэдадні Міжнароднага жаночага дня, супрацоўнікі гарадской бібліятэкі г. Ашмяны правялі акцыю-віншаванне «Лучше мамы не найти!». На вуліцы яшчэ даволі холадна, а на календары ўжо вясна! І гэта выдатны час года адкрывае жаночае свята. 8 Сакавіка – свята, якое любяць і чакаюць усе, каб павіншаваць сваіх любімых мам, бабуль, сясцёр, сябровак. Прыемнай нечаканасцю сталі віншаванні і невялікія падарункі для ўсіх жанчын, якія наведалі ў гэты дзень бібліятэчную ўстанову. Святочны настрой у бібліятэцы стварала прыгожа аформленая выстава-інсталяцыя “Я люблю Маму!”
