19 красавіка ў філіяле “Сельская бібліятэка аг. Гальшаны” для чытачоў 12-14 гадоў прайшла прафарыентацыйная гульня-віктарына “Усе работы добрыя, а бібліятэкар лепш”. У ходзе мерапрыемства дзеці пазнаёміліся з асаблівасцямі прафесіі бібліятэкара і даведаліся пра важнасць гэтай ролі ў грамадстве. У гульнявой форме яны выканалі некаторыя функцыі бібліятэкара, што дазволіла ім лепш зразумець, як арганізавана праца бібліятэкі і якія навыкі неабходныя для гэтай прафесіі. Удзельнікі таксама азнаёміліся з адрасамі атрымання гэтай прафесіі, даведаўшыся аб магчымасцях навучання і кар’ернага росту ў бібліятэчнай справе. Замацаваць атрыманыя веды дапамагла віктарына “Цікавая прафесія – бібліятэкар”, у якой дзеці актыўна ўдзельнічалі і з азартам адказвалі на пытанні.
9
