15 красавіка ў філіяле “Сельская бібліятэка аг. Гальшаны” для чытачоў 13-14 гадоў быў праведзены вусны часопіс “Шкодныя звычкі – зона рызыкі”. Падчас мерапрыемства ўдзельнікі паглыбілі свае веды аб шкодных звычках, іх наступствах для здароўя і жыцця чалавека. Чытачы даведаліся пра ўплыў курэння, алкаголю і наркотыкаў на арганізм, а таксама аб тым, як гэтыя звычкі могуць паўплываць на іх будучыню. Асаблівая ўвага была нададзена значэнню здаровага ладу жыцця, уключаючы правільнае харчаванне, фізічную актыўнасць і псіхалагічны дабрабыт.
