13 лютага ў рамках акцыі “Бібліятэка – тэрыторыя чытання і адпачынку” бібліятэкары Ашмянскай раённай бібліятэкі наведалі вучняў 8-х класаў ДУА “Гімназія № 1 г. Ашмяны”. Бібліёграф Валерыя Іванаўна Гінтоўт пазнаёміла хлопчыкаў і дзяўчынак з прафесіяй бібліятэкара і бібліёграфа. Яна расказала, з якімі кнігамі можна пазнаёміцца ў бібліятэцы. Дзеці даведаліся пра тонкасці прафесіі і якімі ведамі трэба валодаць, каб быць не проста бібліятэкарам, а прафесіяналам сваёй справы. Дзеці з задавальненнем удзельнічалі ў дыялогу, а ў выніку даведаліся, у якіх навучальных установах можна атрымаць гэту прафесію.
